What?? Pos de la mano de El Corrector, que mos va pinchar ritmos baillables de Ska, Reggae, Soul...
El Corrector ye, d'uno, el nome d'un programa que se fai en Radio Kras, emisora que dende va más de 25 años emite nes ondes de Xixón, tou tipu d'información y músiques que nun tienen sitiu nes canales comerciales. Dende los estudios d'esta radio llibre, los ritmos negronos enllenen les ondes radiofóniques y la rede, dende xamaicano (ska, skinhead reggae, rocksteady, mento...) hasta soul pasando pel jazz o'l funk, ensin zarrase a derivaciones y perversiones d'estos estilos musicales. D'otro, el conductor del programa, que respuende al mesmu nome y que namás pincha en vinilo (a 45 y 33 1/3 r.p.m., con distintes testures, pulgaes y gramaxes), asoleya fuera de los estudios de Radio Kras los sos discos en distintes pinchaes que yá lu llevaron per distintos llugares del territoriu asturianu y qu'esti vienres 23 van traelu hasta'l C.S. La Semiente, onde va acercanos a los sones del ska, del reggae y del soul, recordándonos clásicos y coses nueves, pero siempres con ganes de que la xente deprenda y baille, disfrutando de lo negro y de lo bueno.
Dempues pa dir rematando vamos abrir otra Jamma Sesion, asi que trai ferramientes pa dar un poco color, guitarres, flautes, armoniques...
Ya sabeis que podeis escucharr el progrma de radio El Corrector tolos martes ente les 22:00h y les 23:00h en Radio Kras 105FM.
Vémonos el vienres.
No hay comentarios:
Publicar un comentario