Comunicáu del Centru Social Autoxestionáu La Semiente del día 19/612.
Tras emitir un comunicáu fai unes selmanes, apoyando les
lluches llaborales y sociales d’unos y otros colectivos y condergando la
represión escontra éstes, así como la criminalización de los métodos usaos, decidimos en conceyu, recalcar estes cuestiones.
.Dempués del ésitu en cuanto a participación na xorná reivindicativa d’ayeri, seguimos mostrando’l nuesu apoyu a los mineros, pero tamién a toles lluches que reivindiquen meyores condiciones de trabayu y otros derechos que dende les altes esferes, nieguennos a les clases populares a les que nos sobren los motivos polos que tar na cai y pelear polo nueso, lo de toos y toes.
Pero tamién queremos volver a denunciar la brutal represión
cola que ya nos tienen avezaos. Los casos del xuiciu que se producirá mañana
n’Uvieu escontra una xente mozo pol simple fechu de tar na cai bregando escontra
les inxusticies y la so condición d'activistes sociales, l’estáu policial nel que tienen sometíes a les cuenques
mineres asturianes y llioneses; con casos d’estrema violencia policial como los
ocurrios en Ciñera de Gordón, onde residen y trabayen dellos compañeros nuestros o les ocupaciones
de los pozos Sotón y Santiago poles fuercies de represión del estáu.
Tamién queremos espresar la nuesa solidaridá coles persones
que fueron deteníes ayeri en Las Palmas de Gran Canaría, tras concentrase en
solidaridá colos mineros asturianos y cortar una cai durante 20 minutos, tando
3 d’ell@s tovía retenios.
Mientres, l’asociación d’amigos de la Guardia Civil diz qu’apoya
les reivindicaciones de los mineros, pero non los sos métodos (a nosotr@s nun
nos pregunten si nos presten los suyos durante toos estos años), Manos Limpias acusenlos de terrorismu,
nun intentu bederre dende los mayores estamentos del estáu y la sociedá españoles
de criminalizar les lluches contestataries pa col so sistema, y les
reivindicaciones d’una clase trabayaora na que tamos fartos d’atropellos y hosties,
mientres ellos y elles, embúchense los millones delantre'l nuesu focicu .
VALIÓ DE CRIMINALIZACIÓN!
GLOBALIZEMOS LA LLUCHA. XUNTOS NUN VAN DOBLANOS!
No hay comentarios:
Publicar un comentario