miércoles, 19 de junio de 2013

Foguera Solidaria de San Xuan. L'Entregu



Por tercer añu consecutivu, el pueblu de L’Entregu, va volver a disfrutar de la clásica Foguera de San Xuan.
Fae tres años dende que’l Centru Social Autoxestionau La Semiente vien cellebrando esta folixa del solsticiu de branu nel prau situau al llau del Campu de futbol “Nuevu Nalón”. Los beneficos que salga van dir pa mercar material escolar pa ampliar los recursos de la “2º campaña de recoyida de llibros y material escolar contra la crisis” que dende la propia semiente s’entama.
Como siempre esta foguera, nun tien grandes atracciones ni dispon d’un gran presupuestu, ya que ni la asociación organizadora tien muches perres, ni tampocu tan les coses como pa facer grandes derroches. Agora, lo que de xuru va haber ye un ambiente perbonu, y una folixa de les que se recuerden el restu l’añu.

Les actividaes entamaran ya dende pela mañana col enramau de les fuentes del pueblu, que tarán ya engalanaes pal mediu día. Ya en la tarde, alrodiu les 18hores, y cola pila de maera prepará, producirase l’apertura’l chigre que pon La Semiente, y que sirve pa autofinanciar la foguera, a parte de pa que tol que quiera pueda moyar el garguelu. Al mesmu tiempu, va cellebrase sendos torneos de Llave y Rana pa guahes y mayores.

Un poco más tarde, ya cuando la tarde te llegando al so fín, peles calles de L’Entregu va haber un pasacalles de cabezudos y personaxes mitolóxicos asturianos, que van dir animando el pueblu pa dir yendo pal prau de la foguera.

Cuando llegue la medianueche, a les 24hores, va procedese col conxuru, l’encendiu de la foguera y el baille de la danza prima ya tradicionales.
Ya col calor de les llames, y al so son va entamar a preparase la ya típica Queimada Popular. Unos minutos dempués de que ya te prepará, la musica fadrase dueña del prau, col conciertu de “La Bandina La Curuxa”, colo que taremos baillando hasta que’l grupu o los asistentes desistan.

Dende La Semiente, recuerden que la Foguera de San Xuan autofinánciase coles perres que salen del chigre la foguera.
Además toles actuaciones y colaboraciones son de forma desinteresada y simplemente intentamos cubrir gastos d’organización, desplazamientu de músicos, grupos de teatru, deportistes…
Por ello, nun piden perres ni al ayuntamientu, nin a chigres, na más que una mano, o algo d’infraestructura. Por too ello quieren agradecer a tola xente, colectivos y negocios que n’estos años collaboraron na foguera:
Grupu Etnografía y Folklor L’Esperteyu de L’Entregu, Deportes Autóctonos “Los Guajes” y “Perlora”, A.J. Esperteyu de Siero, El Ñeru Los Coríos, “Tatata Chan” (teatru),  Sociedá de Cultura y de Fiestes de L’Entregu, Asociación Festexos de Sotrondio, Centru Social Ocupáu La Madreña, Xunta Moza, Llibrería Sol, chigre La Chez, Gráfiques La Fueya , Ayuntamientu de Samartín del Rei Aurelio…

Tamién dar las gracies, non solo a los collectivos que pasaron per La Semiente nesti llargu iviernu, sinon, a tolos negocios que nesti tiempu vienen collaborando de una u otra forma con nós.

No hay comentarios:

Publicar un comentario