lunes, 30 de septiembre de 2013

Con educación (de calidá) y solidaridá

Equí colgamos la nota prensa que enviemos a los medios con motivu del cierre de la Campaña de Recoyia y Repartu de llibros y material escolar. A la información de la nota hai que añadir que los llibros que sobraron, fueron donaos a la Asociación Intervalo de Llangreu, que trabaya el tema de la xenofobia y la exclusión colo que de xuru qu'esi material va llegar a xente que lo necesita.
Acompañando, una foto de la xente en les Isles Baleares, onde lleven ya 2 selmanes de güelga n'educación.
PORQUE LA EDUCACION NUN SE VENDE, SE DEFIENDE!!

"El Centru Social La Semiente, situáu en L’Entregu, zarró va unos díes la 2ª Campaña de Recoyida y Repartu de Llibros y Material Escolar pa esti cursu 2013-2014, con mayor participación y demanda que’l cursu anterior. Fueron muches les rapapacines y rapacinos que pasaron pel centru durante estes 2 selmanes a la gueta de llibros y material escolar, anque non siempre habia lo que buscaben. A pesar de que’esti añu, otros colectivos y dalgunos insititutos tamién fixeron campaña de donación y/o intercambiu de llibros, les concecuencies del paru y la precariedá llaboral nótense cada vez más a la hora d’enfrentase a un gastu básicu como ye’l del aniciu del cursu escolar que supón a cada família ente los 300 y 400 euros dependiendo de si los neños tan en primaria o secundaria.

Nesti mes de Setiembre, les madres y padres, pudieron aforrar dalgo de la interminable llista de materiales que dende les escules y institutos encamienten a mercar a los escolinos. Llibros, Llibretes, llapiceros, boligrafos, estuches, regles o collores que salieron de la solidaridá vecinal y l’apoyu mutuu. Les aportaciones tanto de xente a titulu individual, como de dalgunos negocios (como’l Bar El Semaforu, Llibreria Sol o Gráfiques La Fueya) sirvieron pa aliviar esti duru iniciu de cursu, incluso pa salvalu, n’algunos casos.

Como puntos negativos apunten varies coses, la primera el gran problema de les ediciones de los llibros, que faen cada vegada más difícil l’intercambiu de llibros d’un añu pa otru col baille de les editoriales, que trae una deriva mercantilista y elitista que nun cabe nel sistema educativu. Ye por eso que dende La Semiente mas allá de despertar las solidarída, queremos desixir la gratuidá de los llibros de testu na enseñanaza obligatoria.

También mostramos el nuesu rechazu a la LOMCE, también conocía como “Llei Wert”, pol so carácter clasista y sexista, por buscar destruir la cultura y les llingües distintes del castellanu, porque ye una xustificación pa los recortes y porque quier convertir la educación nun mercau onde les grandes empreses tengan “mano de obra” refiná y moldeá al so gustu..

Por último, el colectivu La Semiente quier solidarizase y apoyar la güelga indefinida entamada en les Isles Baleares por docentes, padres y madres, porque dando la cara y lluchando, ye como se pue conseguir una educación de calidá, sin adoctrinamientu, publica, universal y que sirva como herramienta pa la emancipación."

No hay comentarios:

Publicar un comentario