El 2 de marzu va cellebrase en Vitoria/Gasteiz
la “Topaketa/Alcuentru Asturies-Euskal Herria”, una xornada nel
Gaztetxe de Gasteiz que va recoyer distintes actividaes sociales y
culturales rellacionaes con Asturies. Pa facilitar la participación de la xente asturiano nesti alcuentru, ta entamáu un viaxe ida-vuelta del que yá ta abiertu’l plazu d’inscripción.
La “Topaketa/Alcuentru Asturies-Euskal Herria”, ye una xornada
sociocultural entamada ente Ixuxú Asturies-Euskal Herria elkartea, el
Centru Social La Semiente y el Gaztetxe de Gasteiz. Nella, va haber
actos dende pela mañana hasta la madrugada coles mires de dar a conocer
distintos aspectos de la realidá asturiana en Euskal Herria y estrechar
llazos ente persones y colectivos sociales y culturales de los dos
países.
Pasucais, xinta popular, mercadín de colectivos
asturianos, una mesa redonda entitulada “Asturies existe y resiste:
luchas y movimientos sociales en Asturies” -que va abarcar el movimientu
sindical, el de reivindicación llingüística, y el del nacionalismu y la
izquierda soberanista-, un conciertu ska del grupu asturianu La
Tarrancha y de los donostiarras Skakeitan y una folixa
internacionalista, van ser les actividaes del día.
Bus dende La Semiente
Pa fomentar la participación de les persones d’Asturies nesta xornada,
el Centru Social La Semiente entama un viaxe n’autobús. El plazu
d’inscripción va tar abiertu hasta’l próximu 24 de febreru –anque los
organizadores piden a los y les interesaes que s’apunten cuanto antes pa
saber si va facer falta más d’un autobús-, y por un preciu de 20 euros
inclúise’l viaxe, la xinta y el conciertu.
L’autobús va salir
de L’Entregu a les siete de la mañana del 2 de marzu y va tornar de
Vitoria/Gasteiz a les cuatro la madrugada. Pel mediu, van facese paraes
en La Felguera, El Berrón –parada na que se deberíen xubir los y les
uvieínes interesaes- y Xixón.
P’acutar plaza hai qu’unviar un
corréu a lasemiente@hotmail.com y ha pagase per adelantao en La Semiente
los miércoles y xueves de 17.30 a 19.30 o nel Centru Social Sestaferia
de Xixón.
viernes, 18 de enero de 2013
III Gran Timba Poétika de La Semiente. L'Asturgalaica
Por tercer añu
consecutivu, el centru social de L’Entregu vuelve a celebrar La gran
timba poétika de La Semiente, que volverá a axuntar a un buen
garrapiellu de músicos y poetes de la cuenca minera y del estranxeru.
Nesta ocasión, l’eventu va tener como convidaos especiales a los poetas y
performers gallegos Aurora Boreal, Saul Pushkin, Yeiko y Luis Gallego. A
ellos amiestense habituales de les timbes poétiques como Sergio
Taboada, Laura Marcos, David Suárez “Suarón” o Pablo X. Suárez, que
xunto con autores de la cuenca del Nalón como Pablo Antón Marín Estrada,
Pablo Rodriguez Medina o Miguel Allende, Xulio Arbesú...ente munchos otros, van ser
los protagonistes d’un espectáculu qu’axunta poesía y música, humor y
crítica social. Habrá tamién, micro abiertu pa que cualquier de los
espectadores, al mou d’una jam session, pue participar tanto colos sos
testos como cola so música.
Etiquetas:
“Suarón”,
Aurora Boreal,
Laura Marcos,
Luis Gallego,
Pablo Antón Marín Estrada,
Pablo Rodriguez Medina o Miguel Allende,
PABLO X. SUÁREZ,
Saul Pushkin,
Sergio Taboada,
Xulio Arbesú,
Yeiko
lunes, 14 de enero de 2013
FRACKING N'ASTURIES. Charra informativa.
El pasáu mes d'Avientu de 2012,
l'asociación La Semiente, como miembru de la Plataforma Asturiana
Anti- Fracking, presentó nos rexistros de los conceyos de les
cuenques del Nalón y del Caudal una propuesta de moción
encamentando a dichos conceyos a declarase conceyos llibres de
fracking. Concrétamente los conceyos de Casu, Sobrescobiu,
Llaviana, Samartín del rei Aurelio, Llangréu, La Ribera, Mieres,
Morcín, Riosa, Ayer y L.lena. Darréu unvióse comunicación d'esta
propuesta presentada por rexistru a los distintos grupos municipales.
A la espera de qu'estes mociones
cumplan col so oxetivu nos conceyos citaos, la Semiente entama una
charra informativa sobre'l Fracking o Resquiebra Hidráulica esti
miércoles día 16 a la 19.30 hores en La Casa La Cultura de La
Felguera. Preténdese asi que la xente tenga una mayor conocencia
sobre la tema y la so repercusión
n'Asturies. L'encargáu de dar la conferencia ye Paco Ramos
miembru de Ecoloxistes n'Aición y de la Plataforma Asturiana
Anti-Fracking.
viernes, 11 de enero de 2013
Alcuentru Solidariu en Ciañu. ADEPAVAN
Anque la situación social n'Asturies ye la pior dende va munchos años, l'Asociación de Paraos y Paraes del Valle'l Nalón nun apara la so actividá. Nesta ocasión, entamen un alcuentru solidariu que tendrá llugar el prósimu sábadu 12 de Xineru, con diverses actividaes programaes. Ente elles habrá actuaciones musicales de los hermanos Valle Roso y Pablo Carrera, Héctor Braga, Anabel Santiago, Habemus Feeling ya Intermezzo.
Tamién habrá talleres pa neños y neñes, asina como actuación teatral, too ello n'horariu de 10 a 14:30 y de 17 a 24:00 hores. Pal desendolcu de toes estes actividaes collaboren coleutivos como L'Arcu La Vieya, Cruz Roxa, Intervalo, Cáritas, Conceyu de Solidaridá y Xusticia, Alambique, y Desencajados, que fadrán posible estes actividaes de baldre nel cine "Ideal"
miércoles, 9 de enero de 2013
Otru númeru de Les Fueyes de La Semiente.
Ya anda per ende otru númeru más de Les Fueyes
de La Semiente, con un articulu mui interesante sobre los centros CIES
d'Eduardo Romero (de Cambalache), otru sobre el Fracking, una entrevista
a una ganaderia ecolóxica, una crónica sobre la visita
del SAT a La Semiente, l'apartáu de "Lo Que La Semiente Diz", un
resumen de los ultimos plenos nel aytu Samartín, apartáos d'humor y
dellos artículos d'opinión. Esti numberu ye de 28 páxines y ye de
baldre.
Les Fueyes de La Semiente nun ye'l típicu fancín d'autoconsumu, non. Ye una publicación humilde ensin grandes pretensiones lliteraries nin plantiamientos pa eruditos, qu'intenta llegar a la xente de la calle, por ello ye que se reparte por chigres de los de tola vida, peluqueries... de mano en mano... Tampoco nun tien una llinia editorial o política concreta, yer una publicación crítica y construtiva pero plural, tan plural como les persones qu'escriben o collaboren n'élla o tan plural como son los plantiamientos idiolóxicos dientro de La Semiente.
Hai articulos en castellano y otros n'asturiano y otros... en disglósicu!! hehehe
Lléiles y que rulen!
Les Fueyes de La Semiente nun ye'l típicu fancín d'autoconsumu, non. Ye una publicación humilde ensin grandes pretensiones lliteraries nin plantiamientos pa eruditos, qu'intenta llegar a la xente de la calle, por ello ye que se reparte por chigres de los de tola vida, peluqueries... de mano en mano... Tampoco nun tien una llinia editorial o política concreta, yer una publicación crítica y construtiva pero plural, tan plural como les persones qu'escriben o collaboren n'élla o tan plural como son los plantiamientos idiolóxicos dientro de La Semiente.
Hai articulos en castellano y otros n'asturiano y otros... en disglósicu!! hehehe
Lléiles y que rulen!
martes, 8 de enero de 2013
La Llei de Tases Xudiciales en La Semiente.
Esti
xueves día 10 a les 20:00h nel Centru Social La Semiente va tratase
la polémica xubida de tases xudiciales impulsada por Gallardón. Ta
claro queca día retayen mas los nuesos derechos tantu civiles como
llaborales, tamién nos retayen salarios, prestaciones, educación,
sanidá, educación... la esistencia humana dientro del estáu tiende
a tar pendiente cada vegada mas d'una privatización de tolos sos
benéficos sociales, y la Llei nun diba ser menos. L'aplicación de
les tases topeta frontalmente contra unu de los artículos
especialmente protexíos pola Constitución española, esi testu tan
adoráu como frayáu pola derecha. Nun hai dulda de que la Llei nun
ye igual pa toes, los exemplos tán a la orde del día y son
sangrantes, pero entá s'abrió una fendeura mayor, yá non ente
castes sociales ; políticos, aristócrates, grandes empresarios...
per un sitiu y trabayadores per otru, non, la fendeura acentua mas
la diferencia ente ricos y probes y persones con recursos o persones
ensin recursos, cosa que torga eso de que toos somos iguales ante la
llei y tenemos los mesmos derechos. Por poner unos simples exemplos;
reclamar por una multa de tráficu de 100 euros va costanos 200 euros
como pocu y reclamar al bancu por cobrate una factura indebida ye un
mínimu de 300 euros. La xubida de tases afecta toes la persones,
pero especialmente afecta a les persones y colectivos qu'intenten
llanta-y cara nos xulgaos a problemátiques de tipu llaboral, a
irregularidaes per parte de cualquier alministración, a les que
lluchen contra la corrupción, a les persones que lluchen polos sos
derechos y son escorríes, en definitiva ye una barrera protectora
mas que la clase político y empresarial pon pa protexese de les
reclamaciones del pueblu.
Últimamente,
falóse enforma sobre les tases xudiciales, pero nun se dixo nada,
por eso pa conocer un pocu meyor que ye lo que nos tán faciendo, El
Centru Social La Semiente cuanta cola collaboración de dos xueces y
un abogáu pa qu'espliquen a los asistentes de primera mano de que se
trata y pa que puedan atender les duldes que surdan. Los ponentes son
JULIO MARTÍNEZ ZAHONERO, Xuez de L.luarca y Coordinador n'Asturies
de Xueces pa la Democracia y llicenciáu en Derechu pola Universidá
d'Uviéu y CARLOS MARTÍNEZ DE MARIGORTA, Xuez de Grao y miembru de
Xueces pa la Democracia. tamién llicenciáu en Derechu pola
Universidá d'Uviéu mas Rafael Velasco Rodriguez. Conocíu abogáu y
militante de la esquierda qu'exerz como Abogáu dende 1992, y que de
la mesma ye Llicenciáu en Ciencies Polítiques. Anguaño ye
Presidente de la Federación Asturiana Memoria y República (FAMYR).
viernes, 4 de enero de 2013
Xineru 2013, el descontentu crece
Nuevo añu, mismu puxu, dende La Semiente seguimos teniendo los mismos propositos que l'añu anterior. Vamos seguir falando de muches realidaes, buenes y males, criticando les inxusticies d'esta sociedá y lluchando por cambiar esto a meyor.
Estes son les actividaes programaes pa esti mes:
- Xueves 10 a les 20:00 Charra sobre "La subida de tases xudiciales", cola presencia de representantes de "Xueces pola Democracia" y l'abogau Rafael Rodríguez Velasco.
Además vamos disponer de fueyes de firmes en contra d'esti brutal tasazu.
- Miercoles 16 a les 19 30 na Casa la Cultura de La Felguera (Llangreu), "Charra informativa sobre'l Fracking".
N'esta ocasión contaremos con Paco Ramos miembru d'ecoloxistes n'Acción y de la Plataforma Asturiana Antifracking, que nos charrara sobre esti metodu d'extracción enerxética y les sus connotaciones medioambientales.
- Vienres 18 a les 20:00,"La Gran timba poétika Astur-Galaica", con artistes de ambos llaos, que nos deleitaran como de costumbre coles sus escelentes creaciones lliteraries. Tamién habrá micru abiertu.
- Miercoles 23 a les 20:00 proyeición del documental "Gasland", que trata sobre les consecuencies del Fracking en EEUU.
- Miercoles 30 a les 20:00 proyeición del documental "Los Colores del Viento", de Iván Mendez, el cual tuvo gran crítica nel últimu FICXixón.
Les actividaes nes que nun se especifica llugar, desarrollaranse nel Centru Social Autoxestionau "La Semiente" Cai Eladio Garcia Jove Nº6 L'Entregu.
El Centru Social tará abiertu tolos Miercoles y Xueves a partir de les 17:30.
Estes son les actividaes programaes pa esti mes:
- Xueves 10 a les 20:00 Charra sobre "La subida de tases xudiciales", cola presencia de representantes de "Xueces pola Democracia" y l'abogau Rafael Rodríguez Velasco.
Además vamos disponer de fueyes de firmes en contra d'esti brutal tasazu.
- Miercoles 16 a les 19 30 na Casa la Cultura de La Felguera (Llangreu), "Charra informativa sobre'l Fracking".
N'esta ocasión contaremos con Paco Ramos miembru d'ecoloxistes n'Acción y de la Plataforma Asturiana Antifracking, que nos charrara sobre esti metodu d'extracción enerxética y les sus connotaciones medioambientales.
- Vienres 18 a les 20:00,"La Gran timba poétika Astur-Galaica", con artistes de ambos llaos, que nos deleitaran como de costumbre coles sus escelentes creaciones lliteraries. Tamién habrá micru abiertu.
- Miercoles 23 a les 20:00 proyeición del documental "Gasland", que trata sobre les consecuencies del Fracking en EEUU.
- Miercoles 30 a les 20:00 proyeición del documental "Los Colores del Viento", de Iván Mendez, el cual tuvo gran crítica nel últimu FICXixón.
Les actividaes nes que nun se especifica llugar, desarrollaranse nel Centru Social Autoxestionau "La Semiente" Cai Eladio Garcia Jove Nº6 L'Entregu.
El Centru Social tará abiertu tolos Miercoles y Xueves a partir de les 17:30.
jueves, 3 de enero de 2013
Norabuena a Cambalache!! que ya son 10 años!!
El local Cambalache ta de cumpleaños. Cumple agora una década d’actividá
política y social en Uviéu. Nació como continuación del trabayu que
ficieran los sos componentes nel movimientu estudiantil universitariu, y
agora ye al tiempu una editorial de pensamientu contemporáneu, un grupu
de consumu d’agricultura ecolóxica, la redacción de la publicación
feminista La Madeja, el cogollu del movimientu ciudadanu Ruta
escontra’l Racismu y una llibrería asociativa, ente otres munches
actividaes. De llunes a sábadu abre les puertes pa ufrir el so espaciu a
tolos coleutivos sociales que lu necesiten. Vos invitamos a que paséis y
descubráis de boca d’Edu Romero, qué ye y de qué ta fecho esta
alternativa ciudadana qu’agora sopla diez veles.
NOTA: Esvillao de http://www.glayiu.org/
DENDE'L CENTRU SOCIAL LA SEMIENTE QUEREMOS DA-YOS LES FELICIDÁES Y UN ABRAZU D'ANIMU Y A SIGUIR ABRIENDO CAMÍN!!!
SALÚ!
NOTA: Esvillao de http://www.glayiu.org/
DENDE'L CENTRU SOCIAL LA SEMIENTE QUEREMOS DA-YOS LES FELICIDÁES Y UN ABRAZU D'ANIMU Y A SIGUIR ABRIENDO CAMÍN!!!
SALÚ!
Suscribirse a:
Entradas (Atom)