Ixuxú entama un mercadín ambulante de música asturiana
enmarcáu na so campaña de socios 2014
Del 2 al 5 de
xineru, va tar en dellos locales d’Asturies con más de 50 discos a la venta y
fueyes p’asociase al proyectu
Fomentar el consumu de música asturiana y sumar
sofitos pa l’asociación. Esos son los dos oxetivos colos qu’Ixuxú
Asturies-Euskal Herria elkartea entama’l “Mercadín de música asturiana”. L’actu
ta enmarcáu dientro de la campaña
de socios y socies 2014 colos que l’asociación busca algamar sofitos y
sumar fuerces pa poder siguir realizando les sos actividaes nunes condiciones
dignes.
Por una cuota de 1, 5 ó 10 euros mensuales (depende de si ye persona
individual o un axente cultural), pue formase parte de l’asociación y tener
amás otres ventaxes como descuentos nel catálogu, regalu de discos de música
y usar tolos servicios qu’ufierta’l proyectu pa grupos de música y otros
axentes culturales.
Güei día 2 de Xineru, dende les 18 hasta les 20:30, esti mercadín apara na Semiente, asina que los que vos falten "reyes" por comprar o quieran regalase un discu de musica asturiana teneis una magnifica ocasión.
No hay comentarios:
Publicar un comentario